Tokio Internasionale Lughawe 東京国際空港 Tōkyō Kokusai Kūkō | |||
---|---|---|---|
![]() | |||
Hadena se beheertoring | |||
IATA: HND – ICAO: RJTT | |||
Opsomming | |||
Tipe lughawe | Openbaar | ||
Operateur | Tokio Lugvaartburo, Japannese regering (vliegveld); Japan Airport Terminal Co. Ltd. (terminale) | ||
Ligging | Ōta, Tokio, Japan | ||
Spil vir | Japan Airlines All Nippon Airways Skymark Airlines Air Do Skynet Asia Airways | ||
Hoogte bo seevlak | 21 vt / 6 m | ||
Webtuiste | |||
Landkaart | |||
| |||
Aanloopbane | |||
Rigting | Lengte | Oppervlak | |
m | vt | ||
16R/34L | 3 000 | 9 843 | Betonteer |
16L/34R | 3 000 | 9 843 | Betonteer |
04/22 | 2 500 | 8 202 | Betonteer |
05/23 | 2 500 | 8 202 | Betonteer |
Statistieke (2018) | |||
Passasiers | 84 893 742 | ||
Ekonomiese impak | $18.5 miljard[1] | ||
Sosiale impak | 193.2 duisend[1] | ||
Bronne: Japannese Lugvaartinligtingstuk[2] Statistiek van die Internasionale Lughaweraad. |
Tokio-Haneda Internasionale Lughawe (IATA-kode: HND, ICAO: RJTT) is een van die twee primêre lughawens wat die Groter Tokiogebied bedien. Dit is geleë in Ota, Tokio in Japan, 14 km (8,7 myl) suid van Tokiostasie. Die lughawe is die primêre basis van Japan se twee groot internasionale lugrederye, Japan Airlines (terminaal 1) en All Nippon Airways (terminaal 2), sowel as die laekosterederye Air Do, Skymark Airlines, Solaseed Air en StarFlyer.
Haneda het 68 906 636 passasiers in 2013 hanteer; volgens passasiersgetalle was dit die tweede besigste lughawe in Asië en die vierde besigste ter wêreld, na Hartsfield-Jackson Atlanta, Beijing Capital (Asië se besigste) en Londen-Heathrow.[3] Dit is in staat om 90 miljoen passasiers per jaar te hanteer ná sy uitbreiding in 2010; met Haneda en Narita gekombineer beskik Tokio oor die derde besigste stadslughawestelsel in die wêreld, na Londen en New York.
Haneda was die primêre internasionale lughawe wat Tokio tot 1978 bedien het. Gedurende 1978-2010 het Haneda byna al die vlugte na en van Tokio hanteer, sowel as "geskeduleerde huurvlugte" na 'n paar groot stede in Oos-Asië, terwyl Narita Internasionale Lughawe die meerderheid van die internasionale vlugte hanteer het.
In 2010 is 'n toegewyde internasionale terminaal by Haneda geopen, saam met die voltooiing van 'n vierde aanloopbaan, sodat langafstandvlugte in die nag kon voortgaan.[4] Haneda is gedurende Maart 2014 vir langafstanddiens vir dagvlugte oopgestel, met verskeie rederye wat 'n ononderbroke diens aanbied na 25 stede in 17 lande.[5]
© MMXXIII Rich X Search. We shall prevail. All rights reserved. Rich X Search